मधवापुरमा प्रथम वडा स्तरीय क्रिकेट प्रतियोगिता सुरु

लिलाकान्त यादव,
राजविराज, १९ माघ ।
हनुमाननगर कंकालिनी नगरपालिका–४, मधवापुर स्थित  खेल मैदानमा प्रथम मधवापुर वडा स्तरीय क्रिकेट प्रतियोगिताको उद्घाटन गरिएको छ । वडा कार्यालयको आयोजनामा सम्पन्न उद्घाटन समारोहको अध्यक्षता वडा नं. ४ का अध्यक्ष मौली कुमार मण्डलले गर्नुभएको थियो भने प्रमुख अतिथिका रूपमा नगर प्रमुख विरेन्द्र माझी सहभागी हुनुहुन्थ्यो । विशिष्ट अतिथि सरिता यादव सिपलिया लगायत वडा नं. १ देखि १४ सम्मका खेलप्रेमीहरूको उल्लेखनीय उपस्थिति रहेको थियो ।
उद्घाटन खेलमा नगर प्रमुख माझीले ब्याटिङ र वडा अध्यक्ष मण्डलले बलिङ गरी प्रतियोगिताको औपचारिक शुभारम्भ गर्नुभयो । उद्घाटन म्याच पोर्ताहा ‘ए’ र सकरदहीबीच सम्पन्न भयो । टस जितेर ब्याटिङ गरेको पोर्ताहा ‘ए’ ले २० ओभरमा १४३ रन बनाउँदै १४४ रनको लक्ष्य प्रस्तुत गरेको थियो । जवाफमा सकरदही १११ रनमै अलआउट हुँदै पराजित भयो ।
यसअघि पोर्ताहा ‘बी’ र योगिनिया बीचको खेलमा पोर्ताहा ‘बी’ ले २० ओभरमा २१७ रन बनाएको थियो भने योगिनिया १४३ रनमै अलआउट भएको थियो । प्रतियोगिताअन्तर्गत आगामी खेल पोर्ताहा ‘ए’ र इनरुवाबीच हुने आयोजकले जनाएको छ ।