तराई मधेशमा जाडो बढ्दै गएकोले यसतर्फ स्थानीय निकायले ध्यान दिनु आवश्यक

आज तराई मधेशको सम्पूर्ण भूभागमा जाडो बढेको छ भने हुस्सु लागेको अवस्था छ। ११:०० बजेसम्म घाम उदाउने कुनै संकेत देखिएको छैन। मौसम विकराल बन्दै गएको देखिन्छ।
तराईमा अहिले कुहिरो र हुस्सु लाग्ने क्रम जारी छ । धनगढी, नेपालगन्ज, भैरहवा, जनकपुर, सिमरादेखि विराटनगर र चन्द्रगढीसम्म नै बाक्लो कुहिरो लागेको छ । अहिले तराईमा दिउँसो पनि घाम राम्रोसँग लाग्न सकेको छैन । थोरै मधुरो प्रकाश देखिए पनि आकाश पूर्ण रूपमा खुल्ने स्थिति छैन । यसले गर्दा तराईको तापक्रम पनि घट्दो क्रममा छ र जाडो बढेको छ ।
यो समयमा तराई जस्तो होचो भू–भागमा यस्तो मौसमी प्रणाली देखिनु स्वाभाविक प्रक्रिया हो । छिमेकी भारतका भूभागमा पनि यस्तै अवस्था छ । यो स्थानीय भौगोलिक र मौसमी कारणले नै विकास भएको हो , मौसमविद्को भनाइ छ।
पश्चिमी वायुको कारण मौसम विकराल भएपनि प्रदूषणको सन्दर्भमा यसले खासै ठूलो प्रभाव पारेको देखिँदैन । 
वातावरणमा जाडो बढ्दै गएका कारण जाडोबाट बच्नका लागि खासगरी वृद्धवृद्धा एवं शिशुहरुलाई जोगाउन सचेत हुनु आवश्यक छ। खासगरी विपन्न एवं दलित वृद्धवृद्धाहरुलाई न्याउन पार्न स्थानीय सरकारले न्याउनो लुगाहरू तथा इन्धनको व्यवस्था गर्ने बेला आएको छ। यसतर्फ सम्बन्धित निकायले ध्यान पुर्याउनुपर्छ।