भोलिदेखि जसपा नेपालको कार्यकारिणी समिति बैठक सुरु

लिलाकान्त यादव,
काठमाडौं, १८ माघ ।
 जनता समाजवादी पार्टी (जसपा) नेपालको केन्द्रीय कार्यकारिणी समितिको बैठक दुई दिनसम्म सञ्चालन हुने भएको छ। बैठक शनिबार (माघ १९) र आइतबार (माघ २०) बिहान ११ बजे पार्टी केन्द्रीय कार्यालय, बालकुमारी मा बस्ने तय गरिएको छ।
समसामयिक राष्ट्रिय राजनीतिः हालको राजनीतिक अवस्था र पार्टीको दृष्टिकोणबारे छलफल गरिने, संगठनात्मक कार्यदिशाः पार्टी सुदृढीकरणका लागि आवश्यक रणनीति तय गर्ने, ‘जनतासँग जसपा नेपाल, संगठन निर्माण अभियान’ को समीक्षाः करिब ६ महिनादेखि सञ्चालन भइरहेको अभियानको बृहत् समीक्षा गरिने र केन्द्रदेखि वडास्तरसम्म अभियानको प्रभावकारिता मूल्याङ्कन गरिने बताएका छन ।
गत बैठकले पौष र माघ मसान्तसम्म अभियानको अवधि थप्ने निर्णय गरिसकेको थियो।
पार्टी पदाधिकारी र सदस्यहरूका प्रतिवेदनः
तोकिएको जिम्मेवारीअनुसारको कार्य प्रगति विवरण बैठकमा अनिवार्य रूपमा पेस गर्नुपर्ने।
मधेशकेन्द्रित दलहरूले सडकदेखि सदनसम्म संघर्ष गर्ने अन्तिम तयारी गरिरहेका बेला सो विषयमा विस्तृत छलफल गरिने छ ।
यस बैठकले पार्टीको संगठनात्मक सुदृढीकरण, भावी रणनीति, तथा राष्ट्रिय राजनीति सम्बन्धी महत्वपूर्ण निर्णय लिने अपेक्षा गरिएको छ। साथै, मधेशको हक, अधिकार र न्याय सुनिश्चित गर्न अन्य दलहरूसँग सहकार्य गर्ने सम्भावना समेत बैठकको प्राथमिक छलफलको विषय रहनेछ।