माओवादी केन्द्रका राहुल मंडल सहित सयौं जना जसपामा प्रवेश

लिलाकान्त यादव,
राजविराज, १६ माघ ।
सप्तरी जिल्लाको हनुमाननगर कंकालिनी नगरपालिका–१० इनर्वा मा आयोजित “बृहत् पार्टी प्रवेश कार्यक्रम“ मा बोल्दै जसपा नेपालका अध्यक्ष उपेन्द्र यादवले संगठन सुदृढीकरणका लागि देशव्यापी जनतासँग जसपा नेपाल अभियान सञ्चालन गरिएको जानकारी गराए।
उनले भने “संगठन शक्ति हुन्छ, शक्ति निर्माणका लागि जनतालाई संगठित गर्न हामी अभियानमा निस्केका छौँ।“ मधेशीसँग गद्दारी गर्ने, मधेशी समाजलाई धोका दिनेलाई पहिचान गरी बहिष्कार गर्नुपर्छ। जसपा नेपालको अभियानलाई बल पु¥याउन सबैले सहयोग गर्नुपर्ने, जसले मात्र मधेश मुक्तिको अभियान सफल बनाउनेछ।
नेकपा माओवादी केन्द्रका प्रभावशाली नेता राहुल मण्डलको नेतृत्वमा सयभन्दा बढी नेता तथा कार्यकर्ताहरू जसपा नेपालमा प्रवेश गरेका छन्।
उनी नेकपा माओवादी केन्द्र सप्तरी जिल्ला कमिटीका पूर्व सदस्य हुन्।
उनले हनुमाननगर कंकालिनी नगरपालिकाको मेयर पदमा दुई पटक उम्मेदवारी दिएका थिए, तर दुवै पटक विजयी हुन सकेनन्।
 कार्यक्रममा जसपा नेपाल अध्यक्ष उपेन्द्र यादव, उपाध्यक्ष मृगेन्द्र कुमार सिंह यादव, सचिव शैलेन्द्र प्रसाद साह, प्रदेश सांसद किरण कुमारी साह, प्रदेश सांसद अनिरुद्ध प्रसाद सिंह यादव र जिल्ला अध्यक्ष केदार यादवको उपस्थिती रहेको थिए ।
नवप्रवेशीहरूलाई फूलमाला, अबिर र गम्छा ओढाएर औपचारिक स्वागत गरियो।
यस पार्टी प्रवेश कार्यक्रमले जसपा नेपाललाई मधेशमा थप सुदृढ बनाउने विश्वास गरिएको छ। जसपा नेपालको संगठन सुदृढीकरण अभियानलाई टेवा पुग्ने र मधेशको राजनीति अझ तीव्र गतिमा अघि बढ्ने आकलन गरिएको छ।