नेपाली सर्टफिल्म ‘पाउलो’ चीनको स्मलरीग अवार्डमा नोमिनेट

ईमधेश न्यूज सम्वाददाता,
काठमाडौं, १० वैशाख । नेपाली लघुचलचित्र ‘पाउलो (त्जभ क्जयभक)’ ले चीनको प्रतिष्ठित स्मलरीग अवार्ड २०२४ मा नोमिनेशन पाउने सफलता हासिल गरेको छ। विश्वभरका ३,७९१ सर्टफिल्महरूमध्ये ९८ चलचित्र छनोटमा परेका थिए, जसबाट २० फिल्म मात्र नोमिनेशनमा परेका छन्।
अवार्ड समारोह मे २३–२५ तारिखसम्म सेन्जेन सिटी, चीन मा आयोजना हुनेछ, जहाँ ‘पाउलो’को प्रदर्शनी पनि हुने छ।
यसअघि पनि ‘पाउलो’ भारत, अमेरिका, बेलायत, रसिया, र जिम्बावेका विभिन्न अन्तर्राष्ट्रिय चलचित्र महोत्सवमा छनोटमा परिसकेको छ।
निर्देशक मोहन अभिलाषीले निर्देशन र लेखन गरेका यस फिल्ममा जुत्तालाई मुख्य पात्र बनाएर सडक बालकको कथा प्रस्तुत गरिएको छ। कलाकारहरूमा प्रशान्त हुमागाईं, सुवास सिलवाल, मोहन श्रेष्ठ लगायत छन्।
पाउलोलाई ब्ल्याक हर्स जुत्ता कम्पनीले प्रायोजन गरेको हो भने निर्माण ऐना आट्र्सको प्रस्तुति हो।
निर्देशक अभिलाषीका अन्य लघुचलचित्रहरू पनि विभिन्न अन्तर्राष्ट्रिय महोत्सवमा छनोट भइसकेका छन्, र उनी नयाँ चलचित्रको तयारीमा छन्।