सप्तरीमा फरार रहेका ६ जना प्रतिवादी पक्राउ

लिलाकान्त यादव,
राजविराज, २९ माघ ।
 जिल्ला प्रहरी कार्यालय सप्तरीले विभिन्न मुद्दामा फरार रहेका ६ जना प्रतिवादीलाई पक्राउ गरी सप्तरी जिल्ला अदालत, राजविराजमा बुझाएको छ।
प्रहरीका अनुसार पक्राउ परेका प्रतिवादीहरूमा अरविन्द कुमार सदा (रु. ५०० जरिवाना), योगेन्द्र लाल दास कथवनिया (रु. २५०), दिपेन्द्र लाल दास कथवनिया (रु. २५०), योगेन्द्र लाल दास कथवनिया (रु. २०,६२१), राम लखन महतो कोईरी (रु. २५०) र प्रविन कुमार चौधरी (रु. ५००) रहेका छन्।
प्रहरीका अनुसार यी प्रतिवादीहरू लुटपाट, कुटपिट र डाँका जस्ता अपराधमा दोषी ठहर भई अदालतबाट सजाय तोकिएपछि फरार रहेका थिए। कुल जरिवाना रकम रु. १७७०.६२१ रहेको जिल्ला प्रहरी कार्यालय सप्तरीका प्रमुख प्र.नि. उदय कुमार राईले जानकारी दिएका छन्।