राष्ट्रिय जेनजी–नागरिक अभियानको आरोप ः ‘बालेन सरकार जनतामाथि क्रुर बन्यो’

ईमधेश न्यूज सम्वाददाता,
काठमाडौं, ०२ जेष्ठ । 
 राष्ट्रिय जेनजी–नागरिक अभियानले वर्तमान सरकार जनतामाथि क्रुर र निरंकुश शैलीमा प्रस्तुत भएको आरोप लगाएको छ। शनिबार राजधानीमा आयोजित पत्रकार सम्मेलनमा अभियानले सरकारका गतिविधिमाथि निरन्तर निगरानी राख्ने चेतावनी दिएको हो।
अभियानका संयोजक सुनिल सिंह ले सरकारले राष्ट्रिय स्वाधीनताका विषयमा मौन बसेर जनतामाथि दमनकारी व्यवहार गरिरहेको आरोप लगाए। उनले लिपुलेक र कालापानीजस्ता राष्ट्रिय मुद्दामा सरकार चुप रहेको टिप्पणी गरे।
सह–संयोजक अजय सोडारी ले सुकुम्बासी बस्तीमा डोजर चलाउन सेना परिचालन गरिएको भन्दै आपत्ति जनाए। उनले वर्तमान सरकार ‘जोशमा चलेको’ र विधिको शासनको उपहास गरेको आरोप लगाए।
प्रवक्ता विर्जन विश्वकर्मा ले विभिन्न छानबिन प्रतिवेदन सार्वजनिक गरी पीडितलाई न्याय दिन माग गरे। सचिव प्रकाश बम ले संवैधानिक नियुक्ति योग्यता र प्रतिस्पर्धाका आधारमा हुनुपर्ने धारणा राखे।
अभियानका अन्य वक्ताहरूले सुकुम्बासी बस्ती हटाउने कार्यलाई अमानवीय र गैरकानुनी भएको बताएका छन्।