जबरजस्ती करणी उद्योगमा सप्तरीबाट एक युवक पक्राउ, पाँच दिन म्याद थप

ईमधेश न्यूज सम्वाददाता,
राजविराज, ०१ जेष्ठ ।
सप्तरी प्रहरीले जबरजस्ती करणी उद्योग मुद्दामा एक युवकलाई पक्राउ गरी अनुसन्धान अघि बढाएको जनाएको छ। जिल्ला प्रहरी कार्यालय सप्तरीद्वारा जारी प्रेस विज्ञप्तिअनुसार खडक नगरपालिका–५ जाँजिपुर निवासी २० वर्षीय राजेश चौधरीलाई पक्राउ गरिएको हो।
प्रहरीका अनुसार वैशाख २९ गते दिउँसो करिब १२ बजे खडक नगरपालिका–५ स्थित जाँजिपुरमा आरोपी चौधरीले एक युवतीलाई जबरजस्ती करणी गर्ने प्रयास गरेका थिए। घटनाका क्रममा पीडितले गुहार मागेपछि आरोपीले ज्यान मार्ने धम्की दिँदै फरार भएको प्रहरीले जनाएको छ।
घटनापछि पीडित पक्षबाट जिल्ला प्रहरी कार्यालय सप्तरीमा जाहेरी दर्ता भएको थियो। त्यसपछि खोजतलासका क्रममा प्रहरीले आरोपीलाई जेठ ३० गते बिहान पक्राउ गरेको जनाएको छ। पक्राउ परेका चौधरीलाई सप्तरी जिल्ला अदालतबाट पाँच दिनको म्याद थप गरी अनुसन्धान भइरहेको प्रहरी नायव उपरीक्षक डम्बर बहादुर पुरी ले जानकारी दिएका छन्।