कुशमाहरमा युवाद्वारा सरसफाइ कार्यक्रम सम्पन्न

उमेश कुमार यादव,
राजविराज, १२ बैशाख ।
 बोदे बरसाइन नगरपालिका–३, कुशमाहरस्थित लक्ष्मी नारायण धर्मशाला परिसरमा सरसफाइ कार्यक्रम सम्पन्न भएको छ। स्थानीय युवाहरूको सक्रियता र सामूहिक पहलमा कार्यक्रम सञ्चालन गरिएको हो।
कार्यक्रममा गाउँका युवाहरू, स्थानीयवासी तथा स्वयंसेवकहरूको उल्लेखनीय सहभागिता रहेको थियो। उनीहरूले धर्मशाला परिसर, वरपरका सार्वजनिक स्थान तथा सडक क्षेत्रको सरसफाइ गर्दै वातावरण स्वच्छ राख्ने सन्देश दिएका छन्।
सहभागीहरूले सामुदायिक सहयोग र सचेतनाबाट मात्रै सार्वजनिक स्थलहरू सफा र व्यवस्थित राख्न सम्भव हुने बताएका छन्। कार्यक्रमले स्थानीय तहमा सरसफाइप्रति जनचेतना बढाउन टेवा पु¥याएको विश्वास व्यक्त गरिएको छ।
सरसफाइ अभियानमा सहयोग गर्ने सम्पूर्ण युवा, स्थानीयवासी तथा सहयोगी हातहरूप्रति आयोजक पक्षले आभार व्यक्त गरेको छ। आगामी दिनमा पनि यस्ता सामाजिक अभियानलाई निरन्तरता दिने प्रतिबद्धता जनाइएको छ।