सीता जयन्तीमा उपराष्ट्रपतिको शुभकामना

लिलाकान्त यादव, 
काठमाडौं, १२ बैशाख ।
 रामसहाय प्रसाद यादव ले सीता जयन्ती, २०८३ को अवसरमा स्वदेश तथा विदेशमा रहेका सम्पूर्ण नेपालीमा हार्दिक शुभकामना व्यक्त गर्नुभएको छ।
शनिबार जारी सन्देशमा उहाँले माता सीता सत्य, धर्म र आदर्श नारीत्वको शाश्वत प्रतीक भएको उल्लेख गर्दै उहाँको जीवन त्याग, धैर्य र समर्पणको अनुपम उदाहरण रहेको बताउनुभयो। सीताको चरित्रले नारीको स्वाभिमान, आत्मनिर्णय र कर्तव्यनिष्ठतालाई उजागर गर्ने उहाँको भनाइ छ।
उपराष्ट्रपति यादवले सीता जयन्तीले समाजमा पारिवारिक सद्भाव, सामाजिक न्याय र लैङ्गिक समानताको सन्देश फैलाउने विश्वास व्यक्त गर्नुभयो। उहाँले नारी सशक्तीकरण, सामाजिक सद्भाव र सांस्कृतिक संरक्षणमा योगदान पु¥याउन सबैलाई आग्रह गर्नुभएको छ।
सन्देशमा प्रकृतिप्रतिको सम्मान, वातावरण संरक्षण तथा हिंसा र विभेदविरुद्ध जागरण फैलाउनुपर्ने आवश्यकता पनि औंल्याइएको छ।
अन्त्यमा उहाँले सत्य, धर्म र न्यायको मार्गमा अघि बढ्दै समुन्नत र समृद्ध समाज निर्माणका लागि प्रेरणा मिलोस् भन्ने कामना गर्नुभएको छ।