सप्तरीमा तिजमा उल्लासका साथ गीत र नृत्य प्रतियाेगपता सम्पन्न

   शुभ नारायण यादव सप्तरी, २४ भदौ ।                         हिन्दू महिलाहरुको महान पर्व हरितालिका तिज नेपाली हिन्दू महिलाहरुले आज राजविराजमा उल्लासका साथ मनाएका छन् । स्थानीय हरिनन्देश्वर महादेव मन्दिरको प्राङ्गणमा तिज महोत्सव मूल समारोह समतिद्वारा यस बर्ष भव्यतापूर्वक प्रतियोगितात्मक तिज गीत तथा नृत्य कार्यक्रम सम्पन्न गरेको हो । तिज महोत्सव मूल समारोह समितिका संयोजक राजविराज जेसीजकी निवर्तमान अध्यक्ष एवम् पत्रकार पुनम पोखरेलको अध्यक्षतामा आयोजित प्रतियोगितात्मक गीत÷नृत्य प्रतियोगिता कार्यक्रममा महिलाहरुको उल्लेख्य सहभागिता रहेको थियो ।                                             राष्ट्रिय गानबाट सुरु भएको प्रतियोगितात्मक खण्डमा मौलिक गीततर्फ थारु भाषामा गीत र नृत्य गर्नु हुने राजकुमारी चौधरी, बिमल चौधरी र राधा चौधरीको समूह प्रथम, नेपाली गीतमा गीत र नृत्य गर्नुहुने मञ्जु श्रेष्ठ, बिना उपाध्याय र अनार श्रेष्ठको समूह द्वितिय तथा सरस्वती कार्की, रत्ना कार्की र सुमित्रा देवकोटाको समूह तृतिय हुनु भयो । यसैगरी अडियोतर्फ मैथिली गीतमा एकल नृत्य गर्नुभएकी रश्मी यादव र समूहतर्फ नेपाली गीतमा नृत्य गरेकी मानषी पोखरेल, मेघना सिंह र प्रकृति थापाको समूहले उत्कृष्ठ स्थान हासिल गर्नुभयो ।                                       त्यस्तै उक्त प्रतियोगितामा इन्द्रबहादुर थापा (संयोजक) गिरिराज पौडेल(सदस्य)र ललिता झा(सदस्य)ले निर्णायकको भूमिका निर्वाह गर्नुभएको थियो ।                        कार्यक्रममा १४ वटा समूहका बीच प्रतिस्पर्धा भएको थियो ।