भारदहमा चक्काजाम , उपद्रही द्वारा सवारी साधनहरूमा तोडफोड

माघ ६,भारदह। हनुमान नगर कंकालिनी नपा वडा नं १ , भारदहको कंकालिनी भगवती मन्दिर स्थित पूर्वपश्चिम राजमार्गमा केही स्थानीय व्यक्तिहरूले सडक जाम गरिएको छ। मङ्गलबार बेलुकी ५:३० बजेतिर स्थानीय माइती घर भएकी लोग्नेले अन्य केटी संग पोइल गएको रितिया देवी मण्डल एकल महिला एवं स्थानीय बालेश्वर मण्डल बिच समान्य विवाद परेपछि मारपीट समेत हुन गई इलाका प्रहरी कार्यालय भारदहका गस्ती टोलीले बालेश्वर मण्डलको उपद्रही कृयाकलापलाई नियन्त्रण गर्न प्रहरी परिचालन गरी नियन्त्रणमा लिएको हुदा उनका आफन्तहरुले बालेश्वर लाई रिहा गर भन्दै सडक बिचमा आगो बालेर प्रदर्शन गर्दै सडक जाम गरेका हुन्। सडक जाम भएको सुचना पाएपछि नेपाल प्रहरी एवं सशस्त्र प्रहरीका जवानहरुले घटनास्थलमा पुगेर सडक खुलाउन पहल गरिरहदा उपद्रवीहरुले ढुंगामुढा गर्दै सवारी साधनहरूमा तोडफोड गरेका छन्। बालेश्वर भारदहका बहुल जाति भित्रको ब्यक्ति भएकोले उनलाई सहयोग गर्ने उदेश्यले स्थानीय मानिसहरूको ब्यापक भिड हुन गएको कारण राति १०:०० बजेसम्म प्रहरीले सडक खुलाउन सकेको छैन। तोडफोडका घटनाले सवारी साधनहरूमा लाखौंको छेत्ती हुन गएको छ।