सप्तरी–३ बाट जसपा अध्यक्ष उपेन्द्र यादवको उम्मेदवारी दर्ता

ईमधेश न्यूज सम्वाददाता,
राजविराज, ०६ माघ ।
 सप्तरी निर्वाचन क्षेत्र नम्बर ३ बाट जनता समाजवादी पार्टी (जसपा) नेपालका अध्यक्ष उपेन्द्र यादवले प्रतिनिधि सभा सदस्यका लागि उम्मेदवारी दर्ता गराएका छन्।
उम्मेदवारी दर्ताका अवसरमा पार्टीका नेता–कार्यकर्ता तथा समर्थकहरूको उल्लेखनीय सहभागितामा र्याली निकालिएको थियो। र्यालीसहित यादव शम्भुनाथ नगरपालिका–७ स्थित निर्वाचन अधिकृतको कार्यालय पुगेर मनोनयन दर्ता गराएका हुन्।
यादवको उम्मेदवारीमा मधेश प्रदेशका पूर्व मन्त्री शैलेन्द्र प्रसाद साह प्रस्तावक रहेका छन् भने पूर्व प्रदेश सांसद विदेश्वर यादव ‘विक्की’ समर्थकका रूपमा रहेका छन्।
जसपा अध्यक्ष यादवको उम्मेदवारी दर्तासँगै सप्तरी–३ को चुनावी प्रतिस्पर्धा थप चासोको विषय बनेको छ।