अमरैयाँका सामाजिक धरोहर व्यक्तिको निधन

लिलाकान्त यादव,
राजविराज, २७ पौष ।
 सप्तरी जिल्लाको बोदेबरसाईन नगरपालिका–१०, अमरैयाँ निवासी समाजसेवा र सामाजिक न्यायका क्षेत्रमा सक्रिय गोसाई राम यादवको ९२ वर्षको उमेरमा निधन भएको छ । उहाँको निधनले स्थानीय समुदायले एक अनुभवी समाजसेवी र मार्गदर्शक व्यक्तित्व गुमाएको छ ।
समाजमा न्याय, समानता र सामाजिक विकासका लागि जीवन समर्पण गर्नुभएका यादव दुःख–सुखमा सबैको साथ र सहयोग गर्ने व्यक्तित्वका रूपमा परिचित हुनुहुन्थ्यो । समाजमा देखिने समस्याको समाधान स्थानीय तहबाटै खोज्नुपर्छ भन्ने मान्यताका साथ उहाँले निरन्तर योगदान पु¥याउँदै आउनुभएको सहकर्मी मेदनीप्रसाद साहले बताए ।
बोदेबरसाईन नगरपालिका–१० का वडा अध्यक्ष सुनित कुमार यादवले उहाँको निधनले वडाले एक अनुभवी समाजसेवी तथा मार्गदर्शक गुमाएको बताउनुभयो । उहाँ मेरो बुवाको समेत सहकर्मी रहेको र मेरो बुवा तत्काल गा.वि.स अध्यक्ष रहदा समेत अतुलनिय सहयोगी रहेको बताएका छन् । 
समाजका लागि अमूल्य योगदान दिने सामाजिक धरोहर व्यक्तिको निधनले सबैलाई गहिरो शोकमा डुबाएको अर्का सहकर्मी सकलदेव यादवले बताउनुभयो । श्रद्धाञ्जली सभामा जसपा नेपालका राष्ट्रिय उपाध्यक्ष तथा राष्ट्रियसभा सदस्य मृगेन्द्र कुमार सिंह यादव, प्रदेश सांसद अनिरुद्ध कुमार सिंह यादव, जसपा केन्द्रीय सदस्य ववी सिंह यादव, बोदेबरसाईन नगरपालिकाका मेयर आतेश कुमार सिंह यादव, वडा अध्यक्ष सुनित कुमार यादव, जसपा नेपालका युवा नेता राजेश्वर राय लगायत समाजका हरेक घरका व्यक्तीहरुको उपस्थिति रहेको थियो ।