बर्दियाको गुलरियामा कपडा बैंकको शुभारम्भ

ईमधेस न्युज सम्वाददाता 
नेपालगञ्ज, १० पौष । 
बास नेपाल बर्दिया शाखाले बर्दियाको गुलरियामा कपडा बैंकको शुभारम्भ गरेको छ । “हुनेबाट नहुनेलाई उपहार, न्यानो बाँडौँ मानवता जोगाऔँ” भन्ने मूल उद्देश्यसहित गुलरियाको राधाकृष्ण चौकमा आयोजित कार्यक्रममा कपडा बैंक सञ्चालनमा ल्याइएको हो ।
चिसो मौसममा कोही पनि कपडाविहीन नहोस् भन्ने उद्देश्यका साथ बास नेपाल बर्दिया शाखाका युवाहरूले यो अभियान अघि बढाएका हुन् । आर्थिक सहयोग तथा प्रयोगयोग्य कपडा संकलन गरी विपन्न, बालबालिका र ज्येष्ठ नागरिकलाई सहयोग पु¥याउने लक्ष्य लिइएको आयोजकले बताएका छन् ।
कपडा बैंकको उद्घाटन बास नेपालका केन्द्रीय उपाध्यक्ष खुमेश सुबेदीले रिबन काटेर गर्नुभयो । कार्यक्रममा बास नेपालका केन्द्रीय सचिव जोशिना थारु, केन्द्रीय सदस्य ईश्वर विक, कार्यकारी निर्देशक नमस्कार शाह, पूर्व केन्द्रीय सदस्य नैन सुनारलगायतको उपस्थिति थियो । उद्घाटनपछि कपडा लिन आएका व्यक्तिहरूलाई कपडा वितरण गरिएको थियो ।
कार्यक्रममा बोल्दै कार्यकारी निर्देशक शाहले सामाजिक सेवामा शाखाको सक्रियताको प्रशंसा गर्दै कपडा बैंकको दिगो व्यवस्थापनमा ध्यान दिन आग्रह गर्नुभयो । कार्यक्रम बास नेपाल बर्दिया शाखाका अध्यक्ष राम सुनामको अध्यक्षतामा सम्पन्न भएको थियो ।