शिक्षा विकास तथा समन्वय इकाई सप्तरीका निमित्त प्रमुख मण्डललाई विदाई

लिलाकान्त यादव,
राजविाज, ०४ कार्तिक ।
सप्तरीका शिक्षा विकास तथा समन्वय इकाइ निमित्त प्रमुख विजय कुमार मण्डललाई एक समारोह बीच विदाई गरिएको छ।
प्रमुख मण्डललाई सप्तरीबाट मोरङको विराटनगरमा सरुवा भएको अवसरमा आयोजित एक कार्यक्रम बीच निमित प्रमुख मण्डललाई मोरङमा पनि उहाँको कार्यकालको सफलताको लागि कामना गर्दै सप्तरी जिल्लाको शिक्षा क्षेत्रमा रहेका विसंगति विकृतिहरुलाई अन्त्य गर्दै विभिन्न विद्यालयहरूमा सुधारका लागि उठाएका पाइलाहरूको स्मरण गर्दै विदाई गरिएको हो।
सम्पन्न कार्यक्रममा नेपाल प्याब्सन सप्तरीका जिल्ला अध्यक्ष दिनेश कुमार यादव, वर्ल्ड भिजन मोडल क्याम्पस तथा माविका संस्थापक अध्यक्ष महेन्द्र प्रसाद साह, राष्ट्रिय शिक्षक मञ्च सप्तरीका कार्यवाहक अध्यक्ष चुनचुन यादव ,राष्ट्रिय शिक्षक मञ्चका उपाध्यक्ष तथा मा.वि.तेरहौताका प्र.अ. मोहन यादव, महावीर माविका प्र.अ. तथा पूर्व स्रोत व्यक्ति छत्र नारायण दास लगायत विभिन्न पालिकाका शिक्षा शाखा अधिकृतहरूको उपस्थिति रहेको थियो।