रोयल सेकन्ड्री स्कुलमा कविता वाचन प्रतियोगिता सम्पन्न

लिलाकान्त यादव,
राजविराज, ०४ असोज ।
रोयल सेकन्ड्री स्कूल हनुमाननगर कंकालिनी नपा–३ पोर्ताहा, सप्तरीमा कविता वाचन प्रतियोगिता सम्पन्न भएको छ ।
कार्यक्रममा कक्षा ६ देखि १० कक्षा सम्मका जम्मा १५ जना छात्रछात्राहरुले आफ्ना आफ्ना कविता वाचन गरेका थिए ।
विद्यालयका प्रिन्सिपल देवनाथ यादवको अध्यक्षतामा भएको उक्त कार्यक्रममा विशिष्ट अतिथीको रुपमा मधेश प्रज्ञा प्रतिष्ठानका संचालक समितिका सदस्य दिनेश कुमार यादव लगायत विद्यालयका शिक्षकशिक्षिकाहरुको समेत उपस्थिती रहेको थियो ।
कविता वाचन प्रतियोगितामा कक्षा ९ का महेश रायले प्रथम, कक्षा १० का मोनिका दास द्धितिय, कक्षा ९ का खुश्वु कुमारी मंडल तृतिय र कक्षा ७ का सुमित यादव चौथो भएका छन । उत्कृष्ट चारवटै छात्रछात्राहरुलाई विद्यालयले कापी र डटपेन दिएर पुरस्कृत गरेका छन् ।
कार्यक्रम संचालन शिक्षक नरेश कुमार झाले गरेका थिए भने मुल्याङ्कनकर्ताको रुपमा शिक्षकहरु प्रभु नारायण यादव, चन्द्रकला चौधरी र राजकुमार मंडल रहेको थियो ।
विशिष्ट अतिथी दिनेश कुमार यादवले शुभकामना तथा धन्यवाद मन्तव्य राखेका थिए भने विद्यालयका प्रिन्सिपल देवनाथ यादवले आफ्नो मन्तव्य राख्दै कार्यक्रम समापन गरेका थिए ।