विराटनगरको नोबेल शिक्षण अस्पतालमा एक डाक्टरको रहस्यमयी मृत्यु 

ईमधेस न्युज सम्वाददाता 
बिराटनगर, ०६ पौष ।
 विराटनगरको कञ्चनबारी स्थित नोबेल शिक्षण अस्पतालमा एक डाक्टरको रहस्यमयी मृत्यु भएको छ। 
सप्तरीको राजविराज नपा वडा नं.–९ जगदरी घर भएका डाक्टर अमित यादवको अस्पतालको पाँचतले भवनको छानाबाट लडेर आइतबार विहान मृत्यु भएको हो। 
अस्पतालको छानाबाट डाक्टर यादव भुइँमा झर्दा तत्काल  आकस्मिक कक्षमा पु¥याउँदा डाक्टरले मृत घोषणा गरेका थिए। 
डाक्टर यादवको मृत्यु आत्महत्या हो या हत्या? भन्ने विषय प्रहरीको लागि चुनौती बनेको छ। 
डाक्टर यादवको बुबा शम्भु यादवको अनुसार ’छोरा डाक्टर अमित नोबेल मेडिकल कलेज बाट नै एमबीबिएस गरेर इन्टर्नसिप गरिरहेको थियो। इन्टर्न सिप सम्बन्धी कागजातका लागि अस्पताल प्रशासनसँग आन्तरिक विवाद रहेको बताए। 
नोबेल शिक्षण अस्पतालमा यसअघि पनि सप्तरी खुरुहुरियाका यदुनन्दन यादवको एक्लो छोरा डाक्टर विजय यादवको पनि मृत्यु भएको थियो।