निर्वाचन आयोगको सूचनाः प्रतिनिधिसभा उपनिर्वाचनका लागि १२० दलले मागे चुनाव चिन्ह

र्ईमधेश न्यूज सम्वाददाता,
काठमाडौं, १५ मंसिर ।
 आगामी २०८२ साल फागुन २१ गते निर्धारित प्रतिनिधिसभा सदस्य उपनिर्वाचनमा सहभागी हुन राजनीतिक दलहरूले चुनाव चिन्ह दर्ताका लागि सक्रियता बढाएका छन्। निर्वाचन आयोगले जारी गरेको विज्ञप्तिका अनुसार आयोगले तोकेको मिति भित्र जम्मा १२० वटा राजनीतिक दलले चुनाव चिन्ह दर्ताका लागि आवेदन दिएका छन्।
आयोगको निर्णयअनुसार २०७९ साल मंसिर ४ गतेपछि नयाँ दर्ता भएका दलहरूले पनि २०८२ साल मंसिर १० गतेसम्म चुनाव चिन्ह दर्ता आवेदन दिन पाउने व्यवस्था थियो। सोहि अनुसार सयभन्दा बढी दलले फॉर्म दर्ता गराएको आयोगले जनाएको छ।
आयोगले दर्ता भएका निर्वाचन प्रयोजनका दल तथा एकल चुनाव चिन्ह प्रयोग गर्ने दलहरूसम्बन्धी विवरण प्रमाणित गर्ने प्रक्रिया सम्पन्न भइसकेको जनाएको छ। आवश्यक कागजातसहित दर्ता भएका दलहरुको सूची उम्मेदवार मनोनयन तथा आगामी निर्वाचन प्रक्रियामा प्रयोग हुने जनाइएको छ।
विज्ञप्तिमा आयोगले सबै दललाई कानुन अनुसार विधिवत् रूपमा प्रक्रिया पूरा गर्न आग्रह गर्दै आगामी निर्वाचन निष्पक्ष, स्वतन्त्र र व्यवस्थित रूपमा सम्पन्न गर्न आयोग प्रतिबद्ध रहेको उल्लेख गरेको छ।