नेकपा एमाले सिरहा जिल्ला कमिटीद्वारा माेटरसाईकल र्याली प्रदर्शनका साथ आम सभाकाे आयोजना

 शिव कुमार साह

कार्तिक २९ सिरहा|

 नेकपा एमाले पार्टीले वर्तमान अवस्थामा देखापरेको प्रतिगमनसम्बन्धी गतिविधि र संसद पुनःस्थापनाको मागलाई जाेडदाररुपमा जनतामाझ स्पष्ट पार्ने उद्देश्यले मुलुकभरी यस्ताे कार्यक्रमका आयाेजना गरेकाे कुरा नेकपा एमाले मधेश प्रदेश ईन्चार्ज एवं पुर्व कानुन मन्त्री लिलानाथ श्रेष्ठले जनाउनु भएको छ । उहाँले भदौ २४ पछि उत्पन्न राजनीतिक परिस्थितिको व्याख्या गर्ने, संवैधानिक प्रक्रियाविपरीत गरिएको संसद विघटनको विरोध जनाउने र आगामी राजनीतिक कदमबारे जनस्तरमा धारणा निर्माण गर्ने उद्देश्यले यी प्रदर्शनहरू गरेकाे जनाउनु भयो नेकपा एमाले पार्टीका अध्यक्ष निवर्तमान प्रधानमन्त्री केपी शर्मा ओलीले जेल नेल देखि राणा कालकाे अन्त गरेर देशमा संघीय लाेकतन्त्र स्थापना गरेको नेता हाे,हामीले कुन गल्ती गरेका थियौं कि हाम्रो वस्ने घर जलायाे आज सम्म यहाँका जनतालाई निस्वार्थरुपमा सेवागरेकाे प्रस्ट पार्नु भयो । हाम्रो पार्टी अध्यक्षले आफ्नो सम्पत्ति देशकाे नाममा दान गरेकाे आदरणीय नेता हुनुहुन्छ नेकपा एमाले चान चुने पार्टी हाेईन अन्याय अत्याचार र भ्रष्टाचारको बिरुद्धमा चट्टानी अडानकासाथ लड्ने पार्टी हाे । हामी जनताको सेवक हाैं सदैव जुनसुकै अवस्था जनताका सेवागर्न रतिभर पछि नहट्ने जस्ता सानदर्भिक मन्तव्य हजारौंको जनसहभागितामा व्यक्त गर्नुभएको थियो ।

त्यसैगरी पार्टीका जिल्ला कमिटी अध्यक्ष अशाेक कुमार यादवले पार्टीका केन्द्रीय सर्कुलर अनुसारकाे सबै कार्यक्रममा उत्साहजनक उपस्थित जनाएर कार्यक्रम सफल बनाउने पार्टीका सबै ओहदाका नेता कार्यकर्ताहरुलाई धन्यवाद दिएकाे थियो । यसअघि, पार्टीले मंगलबार देशका ७५३ स्थानीय तह–गाउँपालिकामा व्यापक भेला सम्पन्न गरेको थियो। त्यस अघि कात्तिक २२ गते देशका ६ हजार ७४३ वडामा पनि संगठन विस्तार तथा राजनीतिक स्पष्टिकरणका कार्यक्रम गरिएको थियो।