मधेश प्रदेशका नयाँ प्रदेश प्रमुख सुरेन्द्र लाभ कर्णले पद तथा गोपनीयताको शपथ लिए

ईमधेश न्यूज सम्वाददाता,
काठमाडौं, २५ कार्तिक ।
 मधेश प्रदेशका नयाँ प्रदेश प्रमुख सुरेन्द्र लाभ कर्णले पद तथा गोपनीयताको शपथ लिएका छन् । राष्ट्रपति कार्यालय शीतल निवासमा मङ्गलबार आयोजित विशेष समारोहमा उनले राष्ट्रपति रामचन्द्र पौडेलसमक्ष पद तथा गोपनीयताको शपथ ग्रहण गरेका हुन् ।
शपथ ग्रहण समारोहमा उपराष्ट्रपति रामसहाय प्रसाद यादव, प्रधानमन्त्री सुशीला कार्की, सभामुख देवराज घिमिरे, संवैधानिक अङ्गका प्रमुखहरू, उच्च पदस्थ सरकारी अधिकारी तथा कूटनीतिक नियोगका प्रतिनिधिहरूको उपस्थिति रहेको थियो ।
सरकारले सोमबार पूर्व प्रदेश प्रमुख सुमित्रा सुवेदी भण्डारीलाई पदमुक्त गर्दै सुरेन्द्र लाभ कर्णलाई नयाँ प्रदेश प्रमुखका रूपमा सिफारिस गरेको थियो । सरकारको सिफारिस अनुसार राष्ट्रपति पौडेलले भण्डारीलाई पदमुक्त गर्दै कर्णलाई नयाँ प्रदेश प्रमुखमा नियुक्त गरेका हुन् ।
नियुक्तिपछि तत्काल शपथ लिएका कर्णले मधेश प्रदेशमा सुशासन, विकास र राजनीतिक स्थायित्वका लागि जिम्मेवारीपूर्वक कार्य गर्ने प्रतिबद्धता जनाएका छन् । नयाँ प्रदेश प्रमुखको नियुक्तिसँगै मधेशको राजनीतिक परिवेशमा नयाँ अध्याय सुरु भएको राजनीतिक विश्लेषकहरूले बताएका छन् ।