राष्ट्रिय स्वाधीन संयुक्त सरकार गठनको माग गर्दै सिपी गजुरेलको संघर्ष घोषणा

ईमधेश न्यूज सम्वाददाता,
काठमाडौं, २३ कार्तिक ।
 क्रान्तिकारी कम्युनिस्ट पार्टी नेपालले देशलाई राजनीतिक संकटबाट निकाल्न राष्ट्रिय स्वाधीन संयुक्त सरकार गठनको माग गरेको छ। आइतबार राजधानीको संवाद डबलीमा आयोजित पत्रकार सम्मेलनमा पार्टीका महासचिव ८८सिपी गजुरेल ‘गौरव’८८ले आजदेखि पौष ११ गतेसम्मका लागि संघर्षका कार्यक्रम घोषणा गरेका हुन्।
गजुरेलले विगतका सरकारहरू भ्रष्टाचार, कुशासन र तानाशाही प्रवृत्तिका कारण असफल भएको उल्लेख गर्दै भने, “केपी ओलीको पागलपनले देशमा जेन्जी विद्रोह भयो, जसमा ७६ जनाको ज्यान गयो र ९५ खर्बभन्दा बढीको सम्पत्ति नष्ट भयो, तर वर्तमान सरकार पनि जनअपेक्षाअनुसार चलेको छैन।”
उनका अनुसार, अबको विकल्प भनेको राष्ट्रिय स्वाधीन संयुक्त सरकार गठन गरी देशलाई अराजकता र परनिर्भरता बाट मुक्त गर्नु हो।
पार्टीका स्थायी समिति सदस्य ८८हेमनत प्रकाश ओली ‘शुदर्शन’८८ले दलाल पुँजीवादी व्यवस्था रहुन्जेल देशमा स्वाधीनता र समृद्धिको सपना पूरा नहुने बताए। त्यस्तै, स्थायी समिति सदस्य हरिभक्त कँडेलले सरकार जेन्जी आन्दोलनका सहभागीमाथि कारबाही गर्न व्यस्त रहेको आरोप लगाउँदै भ्रष्टाचारीमाथि सडकबाटै कारबाही गर्ने चेतावनी दिए।
पार्टीले कार्तिक २८ देखि पौष ११ सम्म जनसभा, पर्चा वितरण, भण्डाफोर र माओवादी दिवसका अवसरमा केन्द्रीय सभा गर्ने कार्यक्रम सार्वजनिक गरेको छ।