रोयल सेकन्डरी स्कूलमा समाचकेवा र पुरस्कार वितरण कार्यक्रम सम्पन्न

लिलाकान्त यादव,
राजविराज, १९ कार्तिक ।
 रोयल सेकन्डरी स्कूलमा समाचकेवा पर्वको अवसरमा सांस्कृतिक तथा पुरस्कार वितरण कार्यक्रम भव्य रूपमा सम्पन्न भएको छ । कार्यक्रम विद्यालयका प्रिन्सिपल देवनाथ यादवको सभापतित्वमा सम्पन्न भएको हो ।
सो अवसरमा मधेश प्रज्ञा प्रतिष्ठानका सञ्चालक सदस्य दिनेश कुमार यादव विशिष्ट अतिथिको रूपमा उपस्थित रहनु भयो भने विद्यालयका शिक्षक–शिक्षिकाहरू र विद्यार्थीहरूको समेत उल्लेखनीय सहभागिता रहेको थियो ।
दोश्रो त्रैमासिक परीक्षामा उत्कृष्ट प्रदर्शन गर्ने विद्यार्थीहरूलाई पुरस्कृत गरिएको थियो । परीक्षामा प्रथम, द्वितीय र तृतीय स्थान हासिल गर्ने विद्यार्थीलाई प्रमाणपत्र र पुरस्कार प्रदान गरियो ।
अतिरिक्त क्रियाकलाप अन्तर्गत म्युजिकल चेयर खेलमा नर्सरीकी रानी कुमारी दास, एल.के.जी.का चन्दन यादव र यु.के.जी.का देवराज राम विजेता बने । त्यसैगरी बैलुन कप कलेक्शन खेलमा कक्षा १ का प्रम दासलाई पुरस्कार दिइयो ।
समाचकेवा पर्वको अवसरमा विद्यार्थीहरूले मिथिलाको सांस्कृतिक झलक समेटिएका मैथिली गीत र नृत्य प्रस्तुत गरेका थिए । कार्यक्रमले विद्यार्थीहरूको प्रतिभा, सृजनशीलता र सांस्कृतिक चेतना प्रवद्र्धन गर्न महत्वपूर्ण भूमिका खेलेको विद्यालयले जनाएको छ ।