‘नेपाल सधैं सबैका लागि खुला छ: जेन्जी २.० अभियान सुरु

ईमधेश न्युज सम्वाददाता,
काठमाडौं, ०१ कार्तिक ।
पर्यटनलाई नेपालको गौरव र राष्ट्रिय पहिचानको रूपमा प्रवद्र्धन गर्ने उद्देश्यले जेन्जी २.० (सबै पस्ताको सारथी) राष्ट्रिय अभियानले शुक्रबार राजधानीको त्रिभुवन अन्तर्राष्ट्रिय विमानस्थलमा “नेपाल सधैं सबैका लागि खुला छ” भन्ने सन्देशसहित विशेष कार्यक्रम आयोजना गरेको छ।
कार्यक्रममा करिब ४० जनाभन्दा बढी सहभागीहरूलाई फूल, माला र स्मृतिचिन्ह प्रदान गर्दै प्रतीकात्मक रूपमा स्वागत गरिएको थियो। आयोजकहरूले यसलाई नेपालले अतिथिलाई आत्मीय स्वागत गर्ने संस्कृतिको प्रतीकका रूपमा व्याख्या गरे।
अभियानले पछिल्ला दिनमा फैलिएको असुरक्षासम्बन्धी भ्रम हटाउँदै स्पष्ट सन्देश दिएको छ— “नेपाल कहिल्यै बन्द हुँदैन, अतिथि देवो भवः हाम्रो संस्कृतिको हिस्सा हो।”
कार्यक्रममा डा. हरि कार्कीले “यो केवल अभियान होइन, राष्ट्रिय चेतना हो” भन्दै पर्यटन सुरक्षालाई सबैको साझा जिम्मेवारी बनाउन आह्वान गर्नुभयो।
अभियानले टिङ्कुनेलाई ‘जेन्जी चोक’ घोषणा, घाइते सदस्यका लागि सहयोग टिम गठन र ‘सेफ टुरिजम ः ओपन नेपाल’ कार्यक्रम देशभर सञ्चालन गर्ने निर्णय पनि गरेको छ।
सहभागीहरूले एक स्वरमा सन्देश दिए —
“नेपाल खुला छ, सुरक्षित छ, र सधैं स्वागतका लागि तयार छ।”