मधेस प्रदेश प्रमुखद्वारा मुख्यमन्त्री सिंहको राजीनामा स्वीकृत

ईमधेश न्युज सम्वाददाता,
जनकपुरधाम, २८ असोज ।
मधेस प्रदेश प्रमुख सुमित्रा सुवेदी भण्डारीले मुख्यमन्त्री सतिशकुमार सिंहले दिएको राजीनामा स्वीकृत गरेकी छन्। प्रदेश प्रमुखको कार्यालयले मंगलबार एक विज्ञप्ति जारी गर्दै नेपालको संविधानको धारा १६९ उपधारा (१) को खण्ड (क) अनुसार सिंहको राजीनामा स्वीकृत गरिएको जानकारी दिएको हो।
यस्तै, संविधानको धारा १६९ उपधारा (३) बमोजिम अर्को व्यवस्था नभएसम्मका लागि मौजुदा मन्त्रिपरिषद्लाई प्रदेशको कार्यवाहक मन्त्रिपरिषद्को रूपमा कार्यभार सञ्चालन गर्न तोकिएको विज्ञप्तिमा उल्लेख गरिएको छ।
विज्ञप्ति कार्यालयका निमित्त सचिव शत्रुधन यादवद्वारा जारी गरिएको हो। मुख्यमन्त्री सिंहले मंगलबार विश्वासको मत सामना नगरी प्रदेश सभाको रोष्टमबाटै राजीनामाको घोषणा गरेका थिए।