मधेश प्रदेशमा नयाँ सरकार गठनको दाबी

जनकपुरधाम । मधेश प्रदेश सभाका प्रमुख तीन दल — नेकपा (एमाले), नेपाली कांग्रेस र जनमत पार्टी — सहितका बहुमत प्रदेशसभा सदस्यहरूले संयुक्त रूपमा मा. कृष्णा यादवज्यूलाई मुख्यमन्त्री पदमा नियुक्त गर्न प्रदेश प्रमुखसमक्ष दाबी प्रस्तुत गरेका छन्। संविधानको धारा १६८(२) बमोजिम सरकार गठनका लागि प्रस्तुत उक्त दाबीमा तीन दलका संसदीय दलका नेताहरूको हस्ताक्षर रहेको बताइएको छ। दाबीपत्रमा कृष्णा यादवको नेतृत्वमा स्थिर र विकासमुखी सरकार गठन हुने विश्वास व्यक्त गरिएको छ। प्रदेश प्रमुखले आवश्यक संवैधानिक प्रक्रिया पूरा गरी नयाँ सरकार गठनका लागि तयारी अघि बढाउने बताइएको छ।