जेनजी पुस्ताका नेता पप्पु कुमार यादवद्वारा वडा कार्यालयलाई कुर्सी हस्तान्तरण

उमेश कुमार यादव,
राजविराज, २२ असोज ।
 बोदेबर्साइन नगरपालिका–१० खडगपुरका जेनजी पुस्ताका नेता पप्पु कुमार यादवले वडा कार्यालयलाई १० वटा कुर्सी सहयोग गरेका छन्।
बोदे बर्साइन नगरपालिका वार्ड नम्बर १०  मा भदौ २४ गते साँझ तिर जेनजीको  नाममा केहि व्यक्तिहरु राजनीतिक प्रतिशोधको कारण  वडा कार्यालयमा आगजनी गरेपछि वडा कार्यालयको समानहरु जलेर नष्ट भएको थियो ।
वडा कार्यालयमा काम कार्य गर्ने आउने सेवाग्राही तथा कार्यालय प्रमुख, सचिव, कर्मचारीहरु समेत बस्ने अवस्था नरहेको हुँदा  जेन्जी पुस्ताको स्थानिय नेता पप्पु कुमार यादव  द्वारा १० वटा कुर्सी वडाका निमित  वडा अध्यक्ष  श्रीमती नीलम देवी दास र  सचिव कमलेश यादवलाई हस्तान्तरण गरेका छन् ।
सो हस्तान्तरण कार्यक्रममा  वडा कार्यलय कर्मचारीहरु हरेराम चौधरी, प्रमोद कुमार साह, पशु चिकित्सक रविन्द्र कुमार यादवलगायत स्थानीय युवाको उपस्थिती रहेको थियो।
कार्यक्रममा बोल्दै कार्यवाहक वडाअध्यक्ष दासले वडा कार्यालयको दैनिक कार्य सञ्चालन सहज हुने बताउँदै यादवप्रति आभार व्यक्त गरिन्। उनले युवाहरूबाट यस किसिमको सामाजिक सहयोग प्रेरणादायी रहेको टिप्पणी गरिन्।
जेनजी पुस्ताका नेता पपु कुमार यादवले स्थानीय स्तरमा विकास र सुधारका लागि आफ्नो योगदान सधैं जारी रहने बताए ।
यसरीनै वडाका सदस्य मौखली मियाँले भने वडा कार्यलयमा आगजनी भई कार्यलय संचालन गर्न कठनाई भईरहेको अवस्थामा ठुलो सहयोग पुग्ने बताएका छन । नेता यादवलाई धन्यवाद समेत दिएका छन ।