प्रधानमन्त्री कार्कीको नेतृत्वमा नयाँ मन्त्रिपरिषद्

काठमाडौं, भदौ ३० । राष्ट्रपति रामचन्द्र पौडेलले प्रधानमन्त्री सुशीला कार्कीको सिफारिसमा नयाँ मन्त्रिपरिषद् गठन गर्नुभएको छ। सोमबार राष्ट्रपति भवनमा आयोजित विशेष समारोहमा मन्त्रीहरूले पद तथा गोपनीयताको शपथ ग्रहण गरे। नयाँ मन्त्रिपरिषद्मा अर्थ मन्त्रीमा रामेश्वर प्रसाद खनाल, ऊर्जा, जलस्रोत तथा भौतिक पूर्वाधार मन्त्रीमा कुलमान घिसिङ र गृह तथा कानून मन्त्रीमा ओम प्रकाश अर्याल नियुक्त भएका छन्। प्रधानमन्त्री कार्कीले अन्य अधिकांश मन्त्रालय आफैंसँग राखेकी छन्।