क्याम्पस नेटवर्क डिजाइन कार्यशाला सम्पन्न

ईमधेश न्यूज सम्वाददाता,
काठमाडौं, १४ माघ ।
नेपालका क्याम्पसहरूमा सञ्चालित आईटी नेटवर्कलाई प्रभावकारी बनाउने उद्देश्यले नेपाल अनुसन्धान तथा शिक्षा नेटवर्क (एनआरइएन) को आयोजनामा दुईदिने कार्यशाला सम्पन्न भएको छ। कार्यशाला नेपाल विज्ञान तथा प्रविधि प्रतिष्ठान (नाष्ट), खुमलटारमा आयोजित थियो, जसमा देशभरका २७ संस्थाका ३५ जना सहभागी थिए।
कार्यक्रमको उद्घाटन नाष्टका सचिव डा. रविन्द्र प्रसाद ढकालले गर्नुभएको थियो। एनआरइएनका अध्यक्ष श्री लोचन लाल अमात्यले उद्घाटन समारोहमा प्रशिक्षार्थीहरूलाई स्वागत गर्दै क्याम्पस नेटवर्कको डिजाइन शिक्षक र विद्यार्थीका लागि अधिकतम लाभदायक हुने गरी विकास गर्नुपर्नेमा जोड दिनुभयो।
सहयोगी संस्थाः कार्यशाला सञ्चालनमा नाष्टको विज्ञान तथा प्रविधि सूचना प्रणाली केन्द्र अन्तर्गतको राष्ट्रिय सूचना ज्ञान केन्द्रले सहयोग गरेको थियो।
 सूचना प्रविधिको अध्यापन हुने विश्वविद्यालय र कलेजका क्याम्पस नेटवर्क डिजाइनरहरू सहभागी थिए।
प्रशिक्षकहरू
 एनआरइएन र सुबिसु कम्पनीका विज्ञहरूले प्रशिक्षण प्रदान गरे।
 कार्यशालाले क्याम्पस नेटवर्कलाई बाह्य नेटवर्क (आईएसपी) सँग समन्वय गरी थप प्रभावकारी बनाउन आवश्यक सीप प्रदान ग¥यो।
एनआरइएन नेपालमा अनुसन्धान र शिक्षाका लागि समर्पित गैरनाफामूलक संस्था हो। यसले देशका विश्वविद्यालय र अनुसन्धान केन्द्रहरूलाई द्रुत गतिको इडुरोम नामक निःशुल्क वाईफाई सेवा प्रदान गर्दै आएको छ।
प्रशिक्षार्थीहरूले कार्यशालाबाट प्राप्त ज्ञान र सीपले आफ्ना कलेजहरूको नेटवर्क डिजाइन सुधार्न र क्याम्पस आईटी प्रणालीलाई थप प्रभावकारी बनाउन सहयोग पुगेको जनाएका छन्।
कार्यशालामा संलग्न प्रशिक्षक र कर्मचारीहरूले आफ्नो सेवा निःशुल्क रूपमा प्रदान गरेका थिए, जसले यस कार्यक्रमलाई थप प्रेरणादायक र सफल बनाएको छ।
यो कार्यशालाले नेपालका क्याम्पसहरूमा सूचना प्रविधिको प्रभावकारिता बढाउन र शिक्षण प्रणालीलाई आधुनिक बनाउन ठोस योगदान दिने अपेक्षा गरिएको छ।