राष्ट्रपति भवनद्वारा प्रतिनिधिसभा विघटनको घोषणा

काठमाडौँ । राष्ट्रपति भवन, महाराजगञ्जले शुक्रबार राति एक विज्ञप्ति जारी गर्दै प्रतिनिधिसभा विघटन भएको घोषणा गरेको छ। विज्ञप्तिअनुसार, सम्माननीय राष्ट्रपति श्री रामचन्द्र पौडेलले प्रधानमन्त्री श्री सुशिला कार्कीको सिफारिस बमोजिम २०८२ साल भदौ २७ गते शुक्रबार राति ११:०० बजेदेखि लागू हुने गरी प्रतिनिधिसभा विघटन गरेका हुन्। यसैगरी, नयाँ प्रतिनिधिसभा निर्वाचन आगामी २०८२ साल फागुन २१ गते बिहीबारका दिन हुने गरी मिति तोकिएको छ। उक्त विज्ञप्तिमा राष्ट्रपतिको तर्फबाट उपसचिव रुपेश जंग थापा मगरले हस्ताक्षर गरेका छन्।