सप्तरीमा पुनः कफ्र्यू आदेश जारी

ईमधेश न्यूज सम्वाददाता,
राजविराज, २६ भाद्र ।
 सप्तरी जिल्ला प्रशासन कार्यालयले जिल्लाभर कफ्र्यू आदेश जारी गरेको छ। प्रमुख जिल्ला अधिकारीको निर्देशनमा जिल्ला सुरक्षा समिति बैठकको निर्णयअनुसार कफ्र्यू आज भाद्र २६ गतेदेखि लागू भएको हो।
स्थानीय प्रशासन ऐन, २०२८ को दफा ६(क) बमोजिम जारी आदेशअनुसार आज बिहान १० बजेबाट बेलुकी ५ बजेसम्म र पुनः बेलुकी ७ बजेदेखि भोलि बिहान ६ बजेसम्म कुनै पनि प्रकारको आवतजावत, सभा, जुलुस, प्रदर्शन तथा भेला निषेध गरिएको छ।
कफ्र्यू आदेश उदयपुर जिल्लासम्म उत्तरतर्फ, पूर्वमा सुनसरी, दक्षिणमा भारत सिमाना र पश्चिममा सिरहा जिल्लासम्मको सीमा भित्र लागू हुनेछ।
जिल्ला प्रशासनले कफ्र्यू अवधिमा तोकिएका गतिविधि नगर्न नागरिकलाई आग्रह गर्दै सुरक्षाकर्मीलाई कडाइका साथ परिचालन गरिएको जनाएको छ।