राष्ट्रपति अपिलः शान्तिपूर्ण वार्ता मार्फत समस्या समाधान गर्न सबै पक्षलाई आग्रह

ईमधेश न्युज सम्वाददाता,
काठमाडौँ, २४ भाद्र । 
 राष्ट्रपति कार्यालयले मुलुकको विषम परिस्थितिबाट शान्तिपूर्ण समाधान खोज्न सबै पक्षलाई सहयोग गर्न अपिल गरेको छ। राष्ट्रपति कार्यालयका अनुसार प्रधानमन्त्री केपी शर्मा ओलीको राजीनामा स्वीकृत भइसकेकोले वर्तमान परिस्थितिलाई ध्यानमा राख्दै समस्या समाधानमा सबै पक्षले सक्रिय भूमिका निर्वाह गर्ने विश्वास लिइएको छ।
राष्ट्रपतिले विशेष गरी ‘जेनजी’ आन्दोलनका प्रतिनिधिहरूलाई समेत वार्ता र संवादमार्फत नागरिकको माग समाधान गर्न सकिने भएकाले संयमित रहन, मुलुकमा थप अशान्ति फैलिन नदिन र शान्तिपूर्ण मार्ग अपनाउन अपिल गरेका छन्। उनले सबै नागरिक र आन्दोलनकारीलाई लोकतन्त्रको रक्षा गर्दै शान्तिपूर्ण समाधानतर्फ अघि बढ्न आग्रह गरेका छन्।