इम्बोस्ड नम्बर प्लेट अनिवार्यतामा सार्वजनिक यातायात महासंघको विरोध

ईमधेश न्युज सम्वाददाता,
काठमाडौं, ०९ भाद्र ।
भौतिक पूर्वाधार तथा यातायात मन्त्रालयअन्तर्गतको यातायात व्यवस्था विभागले सवारी साधनमा हाई सेक्युरिटी इम्बोस्ड नम्बर प्लेट अनिवार्य जडान गर्ने निर्णय गरेको भन्दै सार्वजनिक यातायात केन्द्रिय महासंघ नेपालले तीव्र आपत्ति जनाएको छ ।
विभागले मिति २०६२ साल भदौ १ गतेदेखि सार्वजनिक, पर्यटक, ढुवानी तथा निजी सवारीसाधनमा समेत इम्बोस्ड नम्बर प्लेट जडान गर्नुपर्ने सूचना जारी गरेपछि महासंघले विज्ञप्ति प्रकाशित गर्दै यसलाई “व्यावसायिक हितविपरीत र अव्यवहारिक” निर्णय भनेको हो ।
महासंघका अनुसार पूर्वाधारविहीन अवस्थामा विदेशी प्रविधि आयात गरेर ग्राम–नागरिक र व्यवसाय क्षेत्रमा अनावश्यक आर्थिक बोझ थपिएको छ । साथै विदेशी ठेकेदार कम्पनीमार्फत लागू गर्न लागिएको यो प्रणालीले राष्ट्रिय स्वाभिमान, गोपनीयता र सुरक्षामा गम्भीर असर पार्ने ठहर महासंघको छ ।
विज्ञप्तिमा भनिएको छ, “नेपालको पाण्डुलिपि र नेपाली भाषालाई असर पार्ने गरी ल्याइएको यो निर्णयले सम्पूर्ण व्यक्तिगत विवरण विदेशी कम्पनीको नियन्त्रणमा पु¥याउने खतरा छ ।”
महासंघले सरोकारवालाबीच पर्याप्त छलफल, संशोधन र सुधार नगरी सरकारले यो योजना जबरजस्ती कार्यान्वयन गर्न खोजेमा त्यसबाट उत्पन्न हुने परिस्थिति र विरोधका गतिविधिप्रति यातायात मन्त्रालय नै जिम्मेवार हुने चेतावनी पनि दिएको छ ।