हनुमाननगर कंकालिनी–४ वडा कार्यालयमा तालाबन्दी, नागरिक सेवामा अवरोध

भुपदेव माली,
राजविराज, ३१ साउन ।
 हनुमाननगर कंकालिनी नगरपालिका–४ वडा कार्यालयमा केही समूहद्वारा गरिएको तालाबन्दीका कारण कार्यालयका नियमित सेवा प्रभावित भएका छन्। जन्म, मृत्यु, विवाह र बसोबास प्रमाणपत्र जस्ता आधारभूत कागजातका काम रोकिन पुगेको छ, जसले सेवाग्राहीहरूमा प्रत्यक्ष असुविधा उत्पन्न गरेको छ।
जनता समाजवादी पार्टी, नेपालका वडा कमिटीले यस घटनाको कडा विरोध जनाएको छ। पार्टीले सम्बन्धित पक्षहरूलाई तत्काल वार्ता र समन्वयमार्फत समस्या समाधान गर्न आग्रह गरेको छ। साथै, वडास्तरका जनप्रतिनिधि, कर्मचारी र सरोकारवाला निकायले नागरिक सेवामा निरन्तरता सुनिश्चित गर्न आवश्यक कदम चाल्न पनि पार्टीले जोड दिएको छ।
पार्टीले प्रमुख मागहरूमा आधारभूत सेवा तत्काल सुचारु गर्ने, तालाबन्दी गर्ने पक्षसँग आपसी संवादमार्फत समाधान खोज्ने, र नगर तथा वडा स्तरका सबै जनप्रतिनिधिले जनसेवा प्राथमिकता दिने कुरा उपाध्यक्ष महेश प्रसाद मंडल र सचिव रामचन्द्र मंडको द्वार जारी गरिएको प्रेस विज्ञप्तिमा उल्लेख छ।