जनकपुरमा रेल–कार ठोक्किँदा ज्यानहानि भएन

ईमधेश न्यूज सम्वाददाता,
जनकपुरधाम, २५ साउन ।
 जनकपुरको थापाचोकमा रेल र कार आपसमा ठोक्किँदा ठूलो दुर्घटनाबाट जोगिएको छ। बागमती प्रदेश ०१–२५ च १२९० नम्बरको कारलाई भांगहा दिशाबाट जनकपुरतर्फ आउँदै गरेको रेलले ठक्कर दिएको हो।
जिल्ला प्रहरी कार्यालय धनुषाका प्रवक्ता डीएसपी बरुणबहादुर सिंहका अनुसार घटनामा मानवीय क्षति नभए पनि कारको केही भाग क्षतिग्रस्त भएको छ। प्रत्यक्षदर्शीका भनाइ अनुसार थापाचोकबाट जानकी मन्दिरतर्फ जाँदै गरेको कारले रेलवे लिक क्रस गर्न खोज्दा रेलसँग ठोक्किएको हो।
घटनाको विस्तृत विवरण प्रहरीले संकलन गरिरहेको जनाएको छ।