जनताको घरदैलोमा पुग्न उपेन्द्र यादवको निर्देशन

र्ईमधेश न्यूज सम्वाददाता,
काठमाडौं, ११ साउन ।
 जनता समाजवादी पार्टी, नेपालका अध्यक्ष उपेन्द्र यादवले पार्टीको केन्द्रीय विभाग र जनवर्गीय संगठन प्रमुखहरूलाई पार्टीको मुद्दा, नीति र सिद्धान्त लिएर जनताको घरदैलोमा पुग्न निर्देशन दिएका छन्।
आइतबार बालकुमारीस्थित पार्टी केन्द्रीय कार्यालयमा बसेको बैठकमा अध्यक्ष यादवले वर्तमान राजनीतिक अन्यौलताका बीच परिवर्तनको दिशामा अडिग रहन पार्टीपंक्तिलाई आह्वान गरे। उनले भने, “जसपा नेपालले उठाएका मुद्दा अझै जनताबीच प्रष्ट रूपले पुगेका छैनन्, त्यसलाई जनस्तरसम्म पु¥याउने जिम्मा तपाईहरूको हो।”
यादवले आगामी निर्वाचनलाई ध्यानमा राख्दै संगठन सुदृढीकरण, प्रशिक्षण, नेतृत्व विकास र जनसम्पर्क विस्तारमा विशेष ध्यान दिनुपर्ने बताए। उनले चुनावी तयारीका लागि कुनै पनि तहका नेता–कार्यकर्तालाई नछुटाइ सम्पूर्ण शक्ति लगाउन आग्रह गरे।
बैठकमा प्रशिक्षण कार्यक्रम सञ्चालन, जनवर्गीय संगठनहरूको भूमिका सशक्त बनाउने, जनसम्पर्क विस्तारलगायत विषयमा पनि छलफल भएको बताइएको छ।