राष्ट्रिय चिडिया एयरबसः हास्य र सन्देशको उडान

काठमाडौं, ०८ साउन ।
 गाईजात्राको अवसर पारेर हास्य कलाकार दमन रुपाखेती र उत्तम कोदेको प्रस्तुतिमा तयार भएको व्यंग्यात्मक भिडियो ‘राष्ट्रिय चिडिया एयरबस’ युट्युबमार्फत सार्वजनिक भएको छ।
देशको समसामयिक राजनीतिक, सामाजिक र नागरिक अवस्थामाथि गहिरो व्यंग्य प्रस्तुत गरिएको यो भिडियोले नेतादेखि सर्वसाधारणसम्म सबैलाई हास्यको उचाइमा उडाएको छ। निर्देशक दमन रुपाखेती भन्छन्, “अब हामी हाँस्न पनि बिर्सियौं, अनि रिसाउन पनि थाक्यौं । त्यसैले अब चेतना जगाउन व्यंग्यकै सहारा लिनुपर्छ।”
भिडियोमा ‘राष्ट्रिय लुते पूजा’, ‘संसद छेउ’, ‘नेताको संकल्प’ लगायत छोटा–छोटा व्यंग्य प्रसंगहरू समावेश छन्, जसले समाजको विकृति र विसंगतिमाथि हाँसोको भाषामा चोट पु¥याएका छन्।
यस भिडियोमा दमन रुपाखेती, उत्तम कोदे, मिनु कुमाल, दिलिप ढकाल, बल बहादुर घतानी, सुप्रिया हमाल, समिता रिजाल र दीपक रायमाझी लगायतका कलाकारहरूको अभिनय देख्न सकिन्छ।
‘राष्ट्रिय चिडिया एयरबस’ केवल मनोरञ्जन मात्र होइन, देशको विडम्बनालाई हाँसोको लवाइमा प्रस्तुत गर्दै दर्शकमा सोचको चिरफार गर्ने प्रयास पनि हो। हास्न चाहनेहरूका लागि रमाइलो र देशप्रेम गर्नेहरूका लागि अनिवार्य रूपमा हेर्नैपर्ने भिडियो बनेको छ।