संघीय गणतान्त्रिक गठबन्धनको जनजागरण रैली सम्पन्न, 

लिलाकान्त यादव,
रौतहट, ०१ साउन ।
 संघीय गणतान्त्रिक गठबन्धनको आयोजनामा रौतहटको गरुडा नगरपालिकामा बुधबार आयोजित विशाल जनजागरण रैली तथा अन्तरक्रिया कार्यक्रम उत्साहपूर्वक सम्पन्न भएको छ। कार्यक्रममा दलित, मुस्लिम, आदिवासी, निषाद लगायत उत्पीडित समुदायहरूको उल्लेखनीय सहभागिता रह्यो।
कार्यक्रममा गठबन्धन संयोजक तथा संघीय समाजवादी पार्टीका अध्यक्ष मोहम्मद रिजवान अन्सारीले मिश्रित निर्वाचन प्रणालीलाई उत्पीडित जनतालाई सत्ताबाट टाढा राख्ने षड्यन्त्रको रूपमा व्याख्या गर्दै पूर्ण समानुपातिक प्रणालीको माग गरे। उनले भने, “उत्पीडित जनताको सत्ता स्थापनासम्म आन्दोलन रोकिन्न।”
पूर्वगृह राज्यमन्त्री बिमला अन्सारीले मधेश सरकारमाथि विभेदकारी शासनको आरोप लगाउँदै उत्पीडित वर्ग सत्तामा नपुग्दासम्म न्याय सम्भव नहुने धारणा राखिन्। अन्य वक्ताहरूले पनि संविधानमा लेखिएका अधिकार व्यवहारमा लागू गर्न सशक्त राजनीतिक विकल्प निर्माणको आवश्यकता औंल्याए।
कार्यक्रमले उत्पीडित जनताको राजनीतिक सहभागिता, समानुपातिक निर्वाचन प्रणालीको स्थापना, संघीयताको पुनव्र्याख्या र सामाजिक न्यायको मागलाई सशक्त रूपमा उठाउँदै वर्तमान राजनीतिक संरचनामाथि गम्भीर प्रश्न खडा गरेको छ।