बोदे बरसाईन नगरपालिका वडा नं ४ मा भूमिहीनलाई लालपुर्जा वितरण, एतिहासिक दिनको रुपमा मनाइयो

उमेश कुमार यादव,
राजविराज, ३२ असार ।
 बोदे बरसाईन नगरपालिका वडा नं ४ मा रहेका भूमिहीन परिवारलाई लालपुर्जा वितरण गरिएको छ। वडाभित्रका गाउँब्लकमा रहेका घरपरिवारलाई पहिलो पटक आधिकारिक रुपमा जग्गाधनी प्रमाण–पत्र (लालपुर्जा) वितरण गरिएको हो, जसले स्थानीय स्तरमा ऐतिहासिक दिनको अनुभूति गराएको छ।
वडा नं ४ को सिल्हट प्रसाहीस्थित वडा कार्यालयको सभा हलमा आयोजित कार्यक्रममा भूमिहीन परिवारका प्रतिनिधिहरुलाई औपचारिक रूपमा लालपुर्जा वितरण गरियो। कार्यक्रमको आयोजना वडा कार्यालय र पालिकाको सहकार्यमा गरिएको थियो।
यस अवसरमा स्थानीय जनप्रतिनिधिहरू, वडा अध्यक्ष, सरोकारवाला निकायका प्रतिनिधि र लाभग्राहीहरूको उल्लेख्य उपस्थिति रहेको थियो। भूमिहीन परिवारले लालपुर्जा प्राप्त गर्न पाउँदा खुसी र सन्तुष्टि व्यक्त गरेका छन्।
नगरपालिकाले आगामी दुई वर्षभित्र पालिकाभित्र रहेका सबै भूमिहीन परिवारलाई लालपुर्जा वितरण गर्ने लक्ष्यसहित काम अघि बढाइएको जानकारी दिएको छ। यस कार्यले सामाजिक न्याय, समावेशिता र स्थायी बसोबासको सुनिश्चितता तर्फ महत्वपूर्ण योगदान पु¥याउने अपेक्षा गरिएको छ।