रुपन्देही ३ मा उपनिर्वाचन मिति तोकियो, मतदान २०८२ कात्तिक १७ मा हुने

लिलाकान्त यादव,
काठमाडौँ, १६ असार ।
 प्रतिनिधि सभा सदस्य दिवंगत दिपक बोहराको निधनपछि रिक्त बनेको रुपन्देही निर्वाचन क्षेत्र नं. ३ मा आगामी कात्तिक १७ गते (२०७९÷०७÷१७ सोमबार) उपनिर्वाचन हुने भएको छ।
निर्वाचन आयोगको असार १६ गतेको बैठकले संविधानको धारा ८४(७) तथा प्रतिनिधि सभा सदस्य निर्वाचन ऐन, २०७४ को दफा ६८ अनुसार उपनिर्वाचनको मिति तय गरेको हो। संविधान अनुसार प्रतिनिधि सभाको कार्यकालको ६ महिनाभन्दा बढी समय बाँकी रहेको अवस्थामा सदस्यको निधन भएमा सोही निर्वाचन प्रणालीबाट पद पूर्ति गर्नुपर्ने व्यवस्था छ।
स्व. बोहराको निधन २०८१ चैत १९ गते भएको थियो। संघीय संसद सचिवालयबाट प्राप्त जानकारीका आधारमा निर्वाचन आयोगले उपनिर्वाचनको प्रक्रिया अगाडि बढाएको हो।
निर्वाचन आयोगले उपनिर्वाचनलाई स्वच्छ, स्वतन्त्र र निष्पक्ष बनाउने प्रतिबद्धता जनाउँदै नेपाल सरकार, प्रदेश सरकार, स्थानीय तह, राजनीतिक दल, नागरिक समाज र सम्पूर्ण मतदातालाई सहयोगका लागि अनुरोध गरेको छ।
यस उपनिर्वाचनले आगामी राजनीतिक समीकरण र दलहरूको प्रभाव परीक्षण गर्ने अवसरसमेत प्रदान गर्नेछ।