राजबिराज मेयर कप महिला लिगः उपाधि राजबिराज रॉयल्सको नाममा

लिलाकान्त यादव,
राजविराज, १४ असार ।
 राजबिराजमा सम्पन्न राजबिराज मेयर कप सप्तरी महिला प्राइड लिग टी–२० क्रिकेट प्रतियोगिताको उपाधि राजबिराज रॉयल्सले जितेको छ।
फाइनल खेलमा खडक क्युईन्सलाई ५ विकेटले पराजित गर्दै राजबिराजले उपाधि कब्जा जमाएको हो।
खडकले टस जितेर पहिले ब्याटिङ गर्दै २० ओभरमा ७ विकेट गुमाएर १२९ रन बनायो। ममता चौधरीले ४९ बलमा ९ चौका प्रहार गर्दै ६२ रन, टीका साहले ३७ र अलिसा यादवले १८ रन बनाइन्।
बलिङतर्फ राजबिराजकी अपेक्षा यादवले २ विकेट लिइन् भने शिवानी साह र साक्षी यादवले समान १÷१ विकेट लिए।
जवाफमा राजबिराजले १८ ओभरमा ५ विकेट गुमाएर लक्ष्य पूरा ग¥यो। अपसरी बेगमले ६२ रन तथा अपेक्षा यादवले ३३ रन बनाए।
अपसरी बेगम ‘प्लेयर अफ दि म्याच’ र ‘प्लेयर अफ दि सिरिज’, ममता चौधरी ‘बेस्ट ब्याटर’ र भूमि सिंह ‘बेस्ट बलर’ घोषित भए।
पुरस्कार वितरणमा कावा नगरप्रमुख ईसरत परविनलगायत विशिष्ट अतिथिको उपस्थिति थियो।