ई-मधेश न्युज
सप्तरीमा करिब ७ क्विन्टल गाँजा बरामद
२८ पुस, सप्तरी।
सशस्त्र प्रहरी बल सप्तरीले सप्तरीको बलान विहुल गाउँपालिका वडा नं -१ को कमलदहबाट ठूलो परिमाणमा लागुऔषध गाँजा बरामद गरेको छ ।
शनिबार राति कमलदहको एक परालको टालमा लुकाएर राखिएको अवस्थामा करिब ७ क्विन्टल अवैध गाँजा प्रहरीले नियन्त्रणमा लिएको हो ।
२४ ओटा पोकामा ६ सय ७० किलो अवैध गाँजा बरामद गरिएको जिल्ला प्रहरी कार्यालय सप्तरीले जनाएको छ।
यसअघि मङ्सिर ३ गते राती पनि प्रहरीले राजगढ गाउँपालिकाबाट एक टिपरमा लोड गरिएको अवस्थामा १ हजार ७ सय १७ किलो लागू औषध गाँजा नियन्त्रणमा लिएको थियो।
पूर्वी पहाडी जिल्लाबाट आयात गर्दै सप्तरीमा गाँजा भण्डारण गरिने र यहाँबाट भारततर्फ तस्करी हुने गरेको छ। प्रहरीले गाँजा नियन्त्रणमा लिने गरे पनि कारोबारी भने पक्राउ पर्ने गरेका छैनन्। खासगरी सप्तरीको पश्चिमी भेगको सिमाना वरिपरि गाजा एवं अन्य लागू औषधहरू तस्करी कारोबार हुने गरेको पटकपटक समाचारहरूमा आइरहेको छ।
