जसपा नेपाल नेवाः राष्ट्रिय समितिको प्रथम अधिवेशन गोदावरीमा सुरु

ईमधेश न्यूज सम्वाददाता,
ललितपुर, ३१ जेष्ठ ।
 जनता समाजवादी पार्टी, नेपाल (जसपा नेपाल) अन्तर्गतको राष्ट्रिय मोर्चा ८८‘नेवाः राष्ट्रिय समिति’८८को ऐतिहासिक प्रथम अधिवेशन शनिबार बिहान ललितपुरको गोदावरी नगरपालिका–१४ स्थित ठैबको ता–फल्चा प्राङ्गणमा भव्य रूपमा सुरु भएको छ।
अधिवेशनको उद्घाटन पार्टी अध्यक्ष उपेन्द्र यादवले गरेका हुन्। कार्यक्रममा केन्द्रीय उपाध्यक्ष बिधुत बज्राचार्य विशेष अतिथिका रूपमा सहभागी थिए।
कार्यक्रम सुरु हुनु अघि स्थानीय नेवार समुदायको सांस्कृतिक पहिरन र परम्परागत बाजागाजासहित हजारौँको र्याली निकालिएको थियो। र्यालीले नेवार समुदायको मौलिक संस्कृति र पहिचानप्रति सम्मान प्रकट गरेको आयोजकले बताएका छन्।
कार्यक्रममा जसपाका अन्य केन्द्रीय नेताहरु, काठमाडौं उपत्यकाका नेवार समुदायका प्रतिनिधिहरू, कार्यकर्ता र स्थानीय नागरिकको उल्लेखनीय सहभागिता रहेको थियो।
अधिवेशनमार्फत नेवार समुदायको राजनीतिक, सांस्कृतिक र सामाजिक अधिकार प्रवद्र्धन गर्न संगठनात्मक सुदृढीकरण, नीति निर्माण र भावी कार्यदिशाबारे छलफल हुने बताइएको छ।