उपराष्ट्रपति यादव र रुसी राजदूत नोभिकोभबीच शिष्टाचार भेट

लिलाकान्त यादव,
काठमाडौं, २२ जेष्ठ ।
 उपराष्ट्रपति रामसहाय प्रसाद यादव र नेपालका लागि रुसी महासंघका राजदूत एलेक्सी नोभिकोभबीच बिहीबार लैनचौरस्थित उपराष्ट्रपति कार्यालयमा शिष्टाचार भेटवार्ता भएको छ।
भेटमा दुवै पक्षले नेपाल–रूसबीचको कूटनीतिक सम्बन्धको सुदृढीकरण, द्विपक्षीय सहयोग विस्तार तथा उच्चस्तरीय भ्रमण आदानप्रदानको आवश्यकताबारे छलफल गरेका थिए।
उपराष्ट्रपति यादवले सन् १९५६ मा स्थापित दुई देशबीचको मित्रवत् सम्बन्ध पारस्परिक सम्मान र सहयोगमा आधारित रहेको उल्लेख गर्दै पूर्वाधार तथा मानव संसाधन विकासमा रूसले पु¥याएको योगदानको प्रशंसा गरे।
उहाँले वाणिज्य, प्रविधि, शिक्षा र सांस्कृतिक सहकार्यको माध्यमबाट साझेदारी विस्तार गर्न नेपाल इच्छुक रहेको र त्यसका लागि सरकार सक्रिय रहेको जानकारी गराए। साथै, उहाँले आगामी रूस दिवसको अवसरमा राजदूतमार्फत रूसी जनतालाई शुभकामना व्यक्त गरे।
राजदूत नोभिकोभले पनि नेपाल–रूस सम्बन्धलाई प्रगाढ बनाउन आपसी संवाद र सहकार्यलाई प्राथमिकता दिनुपर्नेमा जोड दिए।