विद्यार्थीमाथिको आक्रमणप्रति समाजवादी विद्यार्थी युनियनको कडा विरोध

ईमधेश न्यूज सम्वाददाता,
काठमाडौं, २० जेष्ठ ।
पोखराबाट शैक्षिक भ्रमण सकेर काठमाडौं फर्कंदै गरेका एनसिआईटी कलेजका द्यऋब् छैठौं सेमेस्टरका विद्यार्थीमाथि भएको ढुंगामुढा घटनाप्रति समाजवादी विद्यार्थी युनियन, नेपालले गम्भीर आपत्ति र घोर निन्दा जनाएको छ।
यातायात व्यवसायीको आन्दोलनको नाममा विद्यार्थीमाथि गरिएको आक्रमण अमानवीय र आपराधिक रहेको विज्ञप्तिमा उल्लेख गरिएको छ। उक्त घटनामा परी चार जना विद्यार्थी घाइते भएका छन्। घाइतेहरूप्रति शीघ्र स्वास्थ्य लाभको कामना गर्दै युनियनले कलेज प्रशासनले तत्काल समन्वय गरेर घाइतेको उपचार र सबै विद्यार्थीको सुरक्षासहित घर फिर्ती सुनिश्चित गर्नु सकारात्मक कदम भएको बताएको छ।
शान्तिपूर्ण आन्दोलन हरेक नागरिकको अधिकार भए पनि निर्दोष विद्यार्थीमाथिको हिंसात्मक हमला कुनै हालतमा स्वीकार्य नहुने भन्दै युनियनले आन्दोलनरत पक्षलाई जिम्मेवार र संयमित रहन चेतावनी दिएको छ।
“यदि यस्ता घटनाहरू पुनः दोहोरिए भने समाजवादी विद्यार्थी युनियन संघर्षका कार्यक्रम ल्याउन बाध्य हुनेछ,” विज्ञप्तिमा उल्लेख छ।