शुद्ध खानेपानी अब व्यवहारिक हक बन्नेछ ः मन्त्री यादव

र्ईमधेश न्यूज सम्वाददता,
काठमाडौं, २० वैशाख ।
 खानेपानी मन्त्री प्रदीप यादवले शुद्ध र सुरक्षित खानेपानी अब सपना नभई नागरिकको व्यवहारिक हक बन्ने बताएका छन्। सिन्धुलीको सुनकोशी गाउँपालिका वडा नं ५ र ६ मा उद्घाटन गरिएको “नाङ्गेडाँडा बृहत् पम्पिङ खानेपानी योजना” कार्यक्रमलाई सम्बोधन गर्दै मन्त्री यादवले ‘स्वच्छ पानी, स्वस्थ जीवन’ अभियानअन्तर्गत देशभर खानेपानी सेवा सर्वसुलभ बनाउने सरकारको दीर्घकालीन नीति रहेको बताए।
उक्त आयोजना २०७९ असार ९ गते सम्झौता भई २०८१ असार ८ गतेसम्म सम्पन्न गर्ने लक्ष्यसाथ सुरु गरिएको हो। लागत रु ३७ करोड ९४ लाख पुगेको यो आयोजनाबाट २,५३५ घरधुरी लाभान्वित हुनेछन्।
संघीय, स्थानीय सरकार र जनसहभागिताबाट सम्पन्न योजना स्वास्थ्य, स्वच्छता र समृद्धिमा योगदान पु¥याउने विश्वास जनाइएको छ। कार्यक्रममा सांसद लेखनाथ दहाल, गाउँपालिका अध्यक्ष दीपा बोहोरा दाहाल, उपाध्यक्ष कपिल कोइराला लगायतको उपस्थिति रहेको थियो। मन्त्री यादवले यो योजना सरकारको ‘घर–घरमा सुरक्षित पानी’ रणनीतिको नमुना भएको उल्लेख गरे।