नेपाल इन्जिनियरिङ कलेजका विद्यार्थी वर्षा तथ्याङ्क संकलनमा परिचालन

ईमधेश न्यूज सम्वाददता,
काठमाडौं, १७ वैशाख ।
 नेपाल इन्जिनियरिङ कलेजका सिभिल इन्जिनियरिङ विभागका २० विद्यार्थी सामाजिक वैज्ञानिकका रूपमा वर्षा सम्बन्धी तथ्याङ्क संकलनमा परिचालित भएका छन्। स्मार्टफोन फर वाटर नेपाल (S4W-नेपाल) को पहलमा उनीहरूलाई काठमाडौँ उपत्यकाजस्ता अव्यवस्थित शहरी क्षेत्र र तथ्यांक अभाव रहेका स्थानहरूमा पानीको अध्ययनमा खटाइएको हो।
उनीहरूले मोबाइल एप्स र सरल उपकरणको प्रयोगमार्फत वर्षा मापन, पानीको बहाव र व्यवस्थापनसम्बन्धी डेटा संकलन गर्नेछन्। जल स्रोतको दीर्घकालीन व्यवस्थापनमा युवाको सहभागिता सशक्त बनाउन सो परियोजना सुरु गरिएको हो।
S4W-नेपालका प्रमुख कार्यकारी अधिकृत डा. सञ्जीव न्यौपानेका अनुसार यो अभियान केवल तथ्याङ्क संकलनमा सीमित नभई स्थानीय तहमा क्षमता विकासमा केन्द्रित छ। “हाम्रो प्रयासले दीर्घकालीन जल स्रोत दिगोपनामा योगदान दिनेछ,” उनले भने।
कलेजमै आयोजित कार्यक्रममार्फत परियोजनाको उद्देश्य, कार्यविधि र दीर्घकालीन प्रभावबारे जानकारी दिइएको थियो। विभाग प्रमुख एसोसिएट प्रोफेसर रमेश खनालले पूर्वविद्यार्थी न्यौपानेको नेतृत्वमा यस्ता अभियानमा विद्यार्थीको संलग्नता गर्वको विषय भएको बताए।
परियोजनामा सहभागी विद्यार्थीलाई विशेष अभिमुखीकरण गराइएको छ। क्४ध्–नेपालले नागरिक वैज्ञानिकतालाई प्रोत्साहन गर्दै जल स्रोत व्यवस्थापनमा नवीन दृष्टिकोण ल्याउने अपेक्षा लिएको छ।