स्ववियु अध्यक्षमा पुनः रञ्जित कुमार यादव निर्वाचित

लिलाकान्त यादव,
राजबिराज, ०६ चैत्र ।
 महेन्द्र बिन्देश्वरी बहुमुखी क्याम्पस (मबिव) राजबिराजको स्वतन्त्र विद्यार्थी युनियन (स्ववियु) निर्वाचनमा समाजवादी विद्यार्थी युनियनका रञ्जित कुमार यादव पुनः अध्यक्षमा निर्वाचित भएका छन्।
रञ्जित यादवले ३९३ मत प्राप्त गरी दोस्रो कार्यकालका लागि विजय हासिल गरेका हुन्। उनी समाजवादी विद्यार्थी युनियन नेपाल र अखिल क्रान्तिकारीको साझा उम्मेदवार थिए।
स्वतन्त्र उम्मेदवार बिनय यादव ३३२ मत ल्याउँदै दोस्रो स्थान हासिल गरेका छन् भने अनेरास्ववियुकी मनिषा कुमारी साह ३३१ मत ल्याउँदै तेस्रो स्थानमा रहेकी छन्।
यसरीनै सचिवमा मुकेश कुमार साह ३९५ मत र कोषाध्यक्षमा कञ्चन कुमारी ठाकुर ४१० मत ल्याई विजय भएका छन ।
निर्वाचनमा कुल मतदाताः २,७३१ रहेकोमा  १,२७२ मतदान भएको थियो ।
विजयपछि अध्यक्ष यादवले क्याम्पसको शैक्षिक गुणस्तर सुधार र भौतिक पूर्वाधार विकासलाई प्राथमिकता दिने प्रतिबद्धता व्यक्त गरेका छन्। उनले विद्यार्थीहरूका हकअधिकार सुनिश्चित गर्दै शिक्षा र क्याम्पस सुधारको एजेन्डालाई प्राथमिकताका साथ अघि बढाउने बताएका छन्।
स्ववियु निर्वाचन शान्तिपूर्ण रूपमा सम्पन्न भएको छ। विद्यार्थी, सुरक्षाकर्मी, निर्वाचन समिति तथा विभिन्न विद्यार्थी संगठनहरूले निर्वाचनलाई निष्पक्ष बनाउन महत्वपूर्ण भूमिका खेलेका थिए।
नवनिर्वाचित विद्यार्थी प्रतिनिधिहरूले अब क्याम्पस सुधारका लागि ठोस कार्ययोजना अघि बढाउने प्रतिबद्धता जनाएका छन्।