बरमझीयामा भिसन सडक दुर्घटना,एक जनाको घटनास्थलमै मृत्यू

भूपदेव माली
राजविराज, ०४ कार्तिक ।
बरमझीयामा करिव ६ः३० बजेको समयमा बसले मोटरसाइकललाई बचाउन खोज्दा मोटरसाइकल बसले ठक्कर दिँदै बस मुनि बस सवार एक यात्रु च्यापिएर घटनास्थलमै मृत्यु भएको छ।
सप्तरीको कञ्चनरूप नगरपालिका वडा नं २ बरमझीया स्थित सुन्दरी पुल को छेउमा पूर्व पश्चिम लोकमार्गमा पश्चिम गाईघाट बाट पूर्व झापातिर गइरहेको प्र.१–००––ख ४१२६ नं. बसले स ५ प १५९३ नं.को मोटरसाइकिललाई बचाउँदा बस मोडिएको अवस्थामा मोटरसाइकिललाई ठक्कर दिँदै बस पल्टिँदा सो दुर्घटना भएको हो। 
बस पल्टिँदा बसका एकजना महिला यात्रु बसमुनी च्यापिएर घटनास्थलमै मृत्यु भएको छ भने मोटरसाइकिल चालक सिकिस्त अवस्थामा उपचारका लागि बिराटनगर तिर पठाइएको छ।
मृत्यु हुने गाईघाट बोक्से माइती भएको मोरङको सुन्दरपुर ( हरैंचा )नगरपालिका वडा नम्बर ५ बाँसबारी बस्ने नवीन लिम्बुको पत्नी मैया राई रहेको खुलासा भएको छ। मोटरसाइकिल चालक सप्तरीको कञ्चनरूप नगरपालिका वडा नं २ बरमझीयाको पण्डित टोल बस्ने महेन्द्र पण्डितको छोरा वर्ष २५ को सुमित पण्डित रहेको पहिचान भएको छ।
तत्काल घटनास्थलमा इलाका प्रहरी कार्यालय कञ्चनपुरका प्रहरी टोली र सशस्त्र प्रहरी बल बरमझीयाका टोली पुगेर मृतक राईलाई पोस्टमार्टम गर्नका लागि इलाका प्रहरी कार्यालय कञ्चनपुर लगिने तरखरमा छ भने सिकिस्त पण्डितलाई उपचार गर्नका लागि विराटनगरको न्युरो अस्पताल पठाइएको छ।