होलीको पूर्वसन्ध्यामा राजविराजमा छुरा प्रहार, एकजनाको अवस्था गम्भीर

आर.एन मेहता,
राजविराज, २९ फाल्गुन ।
 सप्तरी सदरमुकाम राजविराजको सखडा मोडमा होली पर्वको मुखमा छुरा प्रहार गरी दुई युवकलाई घाइते बनाइएको छ।
घाइतेहरुमा सुनिल यादव डाक्नेश्वरी नगरपालिका–७, ब्रहमपुर र 
 सुभाष यादव  राजविराजका रहेका थिए जसमा सुभाष यादवको अवस्था गम्भीर रहेको छ ।
 बुधबार साँझ सखडामोडस्थित मोटरसाइकल ग्यारेज नजिक युवाहरूमाझ विवाद भएपछि १५–२० जनाको समूहले अचानक छुरा प्रहार गरेका थिए।
 सुभाष यादवलाई तीन ठाउँमा छुरा प्रहार गरिएकाले बिराटनगरको नोबेल अस्पतालमा रेफर गरिएको छ।
 सप्तरी प्रहरीले घटनामा संलग्न भएको आशंकामा बिरेन्द्र कुमार यादवलाई नियन्त्रणमा लिई अनुसन्धान जारी राखेको जनाएको छ।
 प्रारम्भिक अनुसन्धानमा साथीहरूबीचको विवादकै कारण घटना घटेको हुनसक्ने अनुमान गरिएको छ, तर वास्तविक कारण खुल्न बाँकी रहेको स्रोतले जनाएको छ।
सप्तरी प्रहरी कार्यालयले घटनाको विस्तृत अनुसन्धान गरिरहेको जनाएको छ। होली पर्वलाई लक्षित गर्दै सुरक्षा व्यवस्था कडा पारिएको बताइएको छ।